((في موقع الآهات والقلب هيمان))

يا مدور القارظ على كل ...... ميدان
تعال وشارك طرحنا ....... بالقوافي
في موقع الآهات والقلب ..... هيمان
في عشق من يسكن خيام . وفيافي
عشق الطبيعة والصحاري . وضلعان
عشق الهنوف اللي تلف ..... الغدافي
سواقة الموتر على الطعس .... فنان
من اللي تموج الشاص موج المرافي
ما غرزت به تحتري فلان .... وفلان
ولو غرزت به فالمصيبة ..... عوافي
قرمة وترفة ترفع الشاص ... باتقان
في عدة تقهر هبوب ....... السوافي
ما شاقني يا غير مياح ...... الاردان
يضرب دروب بالخلا ..... ما يخافي
عايش على در الحلايب ..... وسمان
والا الحباري ما تزور ....... المشافي
عطره لذيذ للمطر يوم ......... هتان
يوم البيوت مشرعة ......... للملافي
تفرح ان قالوا حيهم جوا ... ضيفان
يا سرعها في ذبحها ......... للهرافي
بنت الذي للطيب منقع ...... وعنوان
ما صد بوجهه في زمان .... الهوافي


القارظ العنزي

للمزيد من مواضيعي