يابنت لك في صفحة النت بلاش

صندوق عرض الاوسمة · #1 10-22-2021, 04:32 PM

؜يابنت لك في صفحة النت بلاش
؜ترفعي بالنفس عن واطي الناس

؜نصيحتي تعرض على صفحه الشاش
؜بدون تمس الناس في عمق حساس

؜نصيحتي تزعل هل الخبث واللاش
؜هذه نصيحه فوق شف بيض قرطاس

؜زومي بنفسك عن ردي قول بكاش
؜اللي عديم اشعور خاين من الساس

؜ماعد لحساسك وغادر وغشاش
؜يلعب على وتر اللقاء مثل جساس

؜واذا تمكن من هوى الشوق خداش
؜يعطيك من حلو الهروج طيب بلاس

؜لاهمه اشعورك ويلعب على الكاش
؜حتى ظروف الوقت عنده لها ناس

؜يسلك طريق الحب وفي الشوق نباش
؜يعرف من أقواله فلس هلس هلاس

؜اذا نطق احلى من الورد اذا شاش
؜يسمو بروحه والعبر فوق الافلاس

؜كن العسل من شفته سيل دشاش
؜واذا تمكن كل الاعراف لها حاس

؜ترفقي بالنفس عن دنس الاكباش
؜اللي لهم يصدق بالاقدام ينداس

؜يابنت شعورك احفظيها عن الماش
؜صوني شعورك وارتقي درة الماس

؜أهلك مربينك على ابيض من الشاش
؜لجلك ومن اجلك يحرقون الا حساس

؜حذراك ثم حذراك من العقل اذا طاش
؜أخشي من الله قبل تخشين من الناس

؜السكب 12

للمزيد من مواضيعي