ابوي رباني على الطيب ولاخاب

ابوي رباني على الطيب ولاخاب
هو تاج فوق الراس وتاج الزعامه

عقب توفى والدي عارضي شاب
الله يغفر له.... ويرحم عضامه

النفس ماطابت ولا خاطري طاب
والدمع فوق الخد مسوي علا مه

فقدت اعز اغلى بشر بين الاحباب
حذفت عقالي فوق جديد العمامه

على الذي قبرة توشح بالانصاب
و الحزن خيم بالمعزين عامه

على فقيد القوم وأن مات ماغاب
يبقى عريب الاصل ويذكر كلامه

ياقبر بين احضانك ابوي طلاب
تفسح مقامه لين يوم القيامه

مثواه بالفردوس ويفتح له الباب
باب الدعاء مفتوح ينور ظلامه

السكب 12

....................................
....................................

يابوي انا شلت الحمل فوق الامتان
الحمل ثقيل والكتف للحمل نقال

اذا وزنت الحمل يوزن بالاطنان
العون بالله خالق الكون بالعال

ماني رفيق انذال ولاضيف خطلان
جنبي متين يعد عن ألفين رجال

حرا على عهدك مثل طير شيهان
يكفخ بجنحانه على شمخ اجبال

انت المثل تعلى على كل بنيان
واليوم غفت عينك ولا تشرح البال

زفره ورى زفره وعبره بالاعيان
والحال ينقص والليالي بترحال

عضيت عليها بالنواجذ والأسنان
والبال مايحلو عقب طيب الفال

ذكرى جميله كنت أنا وانته إخوان
والحال من بعضه على مر الأجيال

شاعر يصوغ قافه على راس شيطان
شهرين على الفرقا بها الدمع سيال

هلي عيوني واغرقي كل الأوطان
لابد نكتال من كيلك ولو عمرناطال

مركي على مركاي في أمن وامان
فجر الثلا ثاء زلزل العقل زلزال

يشهد على الأ قوال شاعر ببرهان
كتب معان القول في مجلس أبطال

عزاه من هذا الزمن وين الأعيان
أهل الشيم لاركيت على متن رجال

واليوم بين اللحد تلبست الاكفان
وانا انتظر نحبي يجيني ولا جال

استغفر الله كان حصل زلة السان
امرا فرض نفسه على كل الاحوال

السكب 12

للمزيد من مواضيعي

 

والله والسبعة انعام فيك اخوي .. السكب 12 ..
ورحم الله من عقبك وجعل جنة الفردوس داره ومقامه ...

صح لسانك اخوي .. السكب 12 .. ولا هنت ...

... لا خلا ولا عدم ...

كفو
والنعم فيك ويرحم والدك
والله يخليك لعين ترجيك

وصح السانك

صح لسانك ودام نبضك
والنعم فيك وفي من رباك
والله يرحمه ويغفر له ويسكنه فسيح جناته

سلمت اناملك يالسكب

الأب هو نعمة لا ندركها ألّا عندما نفقدها.

لا يتوقف واجبنا نحو الأب بوفاته، بل يجب علينا أن نترحم عليه جيدا وندعوه له دائما بالرحمة والمغفرة وغفران الذنوب والعديد من الأدعية المخصصة للميت.

الأب مثل الصخرة، إنه الرجل الذي تذهب إليه عند كل مشكلة.

أشد مايؤلم المرء
حين يفقد أحد والديه
اللهم اغفر له و لوالديكم

قيل في الأب : هو ذاك الذي تطلبه نجمتين فيعود حاملا السماء.

اصعب الاشياء ان تتذكر من كان دوما يهتم بك ويداعب راسك وانت جالس في حظنه ويروي لك حكايت تتحدث عن الحنان