فمان الله يا قلب غمرني بلطفه وطيبه

فمان الله يا قلب غمرني بلطفه وطيبه





فمان الله يا قلب غمرني بلطفه وطيبه
فمان الله يا عشق حفظته بالضلوع سنين..


لو اقدر أحبس الدمعه عشانك وأجمع الخيبه
قدرت أمشي لو حمولي كبيره بالقسا واللين..

وأنا والله لو بحسب جمايل وقتي وعيبه
حسبت إنه لفابك لي ولكنّه خذاك الحين..

أحبك كثر ما شانت وجيه وطاحت مصيبه
أحبك كثر ما عاشت مواويل السعف والطين..

أحبك كثر ما ينبض خفوقي وإنت تدري به
أحبك كثر ما طعنت غيابك توجع السكين.

يغيب البال ما كن الليالي ضاقت بذيبه
لو إنه جاع للصوت الطويل وجرّة المقفين..

طواه الضيم لكنّه طواه وهيبته هيبه
رغم لؤم المدينه والمباني وغفلة الصاحين..

فمان الله لو غصّت عيوني بدمعة الطيبه
وأنا واقف على باب الفراق أتسوّله : مسكين..

عشان الله إذا عندك بقايا تضحيه جيبه
ترى ضاقت بي أنفاسي ولا أدري أروح لمين ..!


و سلامتكم

للمزيد من مواضيعي

 

كلمات رائعة جداً..

سطور جميله ..

فانتي أينما كنتي..

تجسدي معانيً للإبداع ولا شي سوى اللابداع..

أسجل إعجابي بما طرح أعلاه ..

كل الوود..

يسلموو ع الابيات

مشكورة على القصيدة