يانور عيني تالي الوقت وشفيك

تآج الكبريآء · #1 08-17-2023, 09:51 PM

يانور عيني تالي الوقت وشفيك
وشفيك تبخل يوم قلبي حكالك

انت الوحيد الي له القلب باغيك
وانت الوحيد الي له القلب جالك

ابيع لجلك يوم انا ابيك شاريك
ابيع كل الناس كله فدالك

ولاغبت عني كل شين يطريك
حتى ظلام الليل يرسم خيالك

مايذبح الخفاق كثرة تغليك
غالي وقلبي بالمحبه صفالك

يازين ارحم من يحبك ويغليك
عاده على حبك يدور وصالك

تعال خذني من المفارق بياديك
تعال خذني من دروب المهالك

دقات قلبي في غيابك تناديك
ارجع لمنهو في حظورك حلالك

قلبي لدرب الموت والله يخاويك
مايكفي انه بالمحبه وفالك

اكتب قصيدي والقصايد تجي فيك
مدري بلاي الحب ولا جمالك