التواصل الاجتماعي واثره على المجتمع

يسعدلي مساكم حبايب قلبي
موضوعي اليوم جدا مهم وحساس وموجود في كل بيت
صار الكل يعاني
اللمة زمان في بيت الجد او الجدة كانت عبارة عن مشاركات واحاديث
هادا يقول نكته وهادا يقول موقف صار له ومزح وفرفشة ونقاشات
اما في زمنا هادا كل شي اتغير
صرنا نتلم عشان كل واحد ماسك جواله ولا جا العشا الكل مسك جواله يصور سناب
طارت البركة من بيوتنا حتى التماشي صارت ممله مافي جو البهجة الجو الاسري السعيد
اتمنى تشاركوني اراءكم في هالموضوع
تحياتي وودي وتمنياتي لكم بالسعادة

للمزيد من مواضيعي

 

•.








لو شفت هالحركة يترفع ضغطي
حد يمسك جواله حتى لو ما يبي يصور
سواء عند الأكل أو السواقة
ولدي يشوف ناس من هلي كذا يسوي
وجا بيقلده .. ما سمحت ولا رضيت
لو يفحط قدامي ويقول أبتسلى .. ما أرد ويعرف إن صمتي وصلت حدي
ما يعجبني هالشي ولا أطيق إني أسويه
لأسباب كثيرة ومنها .. عدم الإحساس بمسؤولية الأرواح اللي معك
هذا لو كان يسوق وإذا عالأكل ما أحسها حاجة راقية
ولا تمت للأناقة بصلة < سخيفة بجد وغير مفيدة
وفوق كذا تآكل من غير ما تحاسب
وكمان اللي يقول بتسلى
على أساس الأكل حاجة مملة وتزهق قد يقال
والجوال هو اللي ينسيك هالملل

ترند ,**مهاوي** معجبون بهذا

الحمدلله يا ايمان انا لما اروح بيت ماما مستحيل امسك جوالي الا للضرورة
ما ابغى ماما تضايق
جوالي امسكه في بيتي

صابرين ,ترند معجبون بهذا

الله يعطيك العافية مهاوي عالطرح الرائع
بصراحة في البداية كان الموضوع صعب علي انا شخصيا ان ما اتابع جوالي الى ان التفت انها امر ابغاه يتغير في لقائتنا
وبديت بنفسي وبعيالي والحمد لله الان لنا جلسات بدون ان ننشغل بالاجهزة

الاجهزة تقتل الملل لكن ان توفر البديل فراح يتخلون عنها

يعني المنع بدون شرح ولا مناقشة بيزيد كره للجمعات العائلية ومحاولة التهرب باي وسيلة واسهلها التطبيقات
هذا رأيي والله يعطيك العافية مرة اخرى

**مهاوي** ,صابرين معجبون بهذا