سجل حضورك ببيت شعر

أفرح إلآ مني لقيتـك علـى النـت!!
وأضيـق لآدورتـلـك مآلقيـتـك ,,
إن غبت قلت شفيك , ورآك مآ بنت؟
وإن بنت باللي بخآطري مآحكيتـك ,,

ما يعلم النيه الا خالق ……….النيه
سبحان من حطها فالقلب واخفاها

مدامها في صدور الناس …مخفيه
خل التسلط على الناس …ونواياها

ون كنت مشغول في هاذي وهاذيه
وبزعمك انك تميزها …….وتقراها

رح وبحث الوضع مع دكتور نفسيه
وجنب عن الناس لا تقعد ….تبلاها

ياسر الحبيل

ٲڵږ۵ڒٱڹے❤️ معجب بهذا

من يبلغ الماضي على حاضرٍ جاع
ليت الليوث اللي اشبعوه اشبعونا

ومن يبلغ الحيين في باطن القاع
أمواتهم فوق التراب ابلشونا

محمد مطلق الجربا

للي يـبـي وصلك يحصل لـه اسـبـاب
مـا بـه سـبـب عـن مـا يـوده.. يــرده
.
واللي ما وده لو فتحتوا له الباب
حتى النظـر في بـابـكم مـا يـلـده
.
مـنـتـه بـمـلزومً على جـبر الاصحاب
و من لا يـعـدك صاحـبــه لا تـعـده
.
#هذال_العتيبي

عسى الراحل اللي عاد باقي غلاه مقيم
يعُوْضه عن وجيه المخاليق .. وجه الله

ذكرته .. و أنا بين التحيات و التسليم
ودعيت و ما خاب اللي دعا و التجى لله

عبدالله بن جعثم

منهج كرامتنا على العز ما مات
نموت لاجل نصونها ما ارتخينا

من طيبنا نرقى بروس الطويلات
ولا ننشد اللي قال وش قال فينا

نسمع وندفن جمرها داخل الذات
نضحـك لها لو كان كبرت علينا

نواجه الصدمات باحساس الاموات
ونقول ما ندري ..لو انا درينا.

#عابد_الشيباني

ياطيب السكوت إن صار مال السوالف راس
وياحلو الكلام الصايب اللي على حله
وياشين الجميل اللي دروا به جميع الناس
ويازين الجميل اللي مايدري به الا الله
جابر المري

يا كثر ما ربي .. خلق من عباده
متصرفٍ .. بالخلق فالزين والشين

الله من ناسً .. عليهم قراده
لا من هل الدنيا ولا من هل الدين

ولا لهم في .. كل الاحوال راده
في حالتن غبرا و هم مطمئنين

- سعد بن هتيل رحمه الله

تعاملْك باخلاقك يحدّد قبول الناس
وثوب التّصنع لو لبسته ترى بيّن

مايمْلك قلوب الناس من ساير الاجناس
سوا طيّب الاخلاق والهيّن الليّن

فيصل الكسر

جامل ولكن .. لاتقاد .. ولاتساق
استر خمال الناس واظهر طيبها

الفرق مابين .. المجامَل والنفاق
شـعرة .. كثير الناس مايدري بها

#عبدالله_الطلحي