منتو حقنا قرب وشوف …..

السلام عليكم ورحمة الله وبركاته
يسعدلي مساكم وصباحكم وكل اوقاتكم يارب
بما انه مامتي بخاريه فصرت اتقن عمل المنتو
وحبيت احط لكم الطريقة
وهالصورة من عمايل ايديا



المقادير
كيلو دقيق
نص كاسة مويه
وملح
3 بصلات مفرومة
كيلو لحم مفروم
فلفل اسود
الطريقة
نحط الدقيق والملح في زبدية ونحط المويه بالتدريج ونعجن
المهم تطلع معاكم العجينة لاهي لينه مره ولا يابسة وسط وكل ما
طولتوا بالعجن تزبط العجينه
نخليالعجينة ترتاح ساعه وبعد كدا ناخد قطع صغيرة من العجين
ونكورها ونخليها على جنب
بعد كدا نجهز اللحمة المفرومة نحط عليها البصل والملح والفلفل الاسود
بس ونبدا نفرد قطع العجين ونحط فيها القليل من اللحمة ونقرطسها
واكيد اغلبكم ما يعرف قرطسة البخاريه هههههه
جيبو القالب اللي تسوي فيه سمبوسة العجين وسو فيه
المهم المنتو له قدر خاص حق البخار ترصو قطع المنتو في القدر
ونحطه على النار لمدة 45 دقيقة




طبعا هادا شكل قدر المنتو

جربوا وقولولي زبط معاكم ولا لا

للمزيد من مواضيعي