لــو كــل دربً ينتـهـي بالعنـاويـن

وين أنت ياحلـم تـوارى عـن العيـن
وين أنت ياصوتً وحشنـي سماعـه
وين انت غايب عن سما دنيتي وين
خليتـنـي وهـمــوم قـلـبـي جـمـاعـه
وين انت غايب صار لك عدة سنيـن
هـذا جفـا وابـشـع انــواع القطـاعـه
حطيت في قلبي مـن الحـب جرحيـن
ومليت من ممشى الطريق وضياعه
عيّشتـنـي بالحـلـم دنـيــا المحـبـيـن
وأشعلتنـي شمـعـة افــراق بـوداعـه
رحلـت ماودعتنـي يـاأريـش العـيـن
وحسيـت فـرقـا مـاوراهـا اجتمـاعـه
خليتـنـي ياصاحـبـي بـيــن نـاريــن
وانـا تركـت القـلـب عـنـدك وداعــه
خـنـت الامـانـه ماتـعـرف القوانـيـن
وعرضـت قلـبـي للـعـواذل بضـاعـه
شمّت بي الاقصيـن والربـع الادنيـن
خــلاص مـالـي بالمحـبـه اطـمـاعـه
انـتـي مــن اول فــي لقـايـه تمنـيـن
يـامـا لعيـنـك قـلـت سـمـعً وطـاعــه
واليوم صرتي من حساب المعاديـن
ماعـاد فـي قلـبـك حنـيـن وشفـاعـه
من لوعة الحرمان والسهـد والبيـن
الـجـرح مــن فـرقــاك زاد اتـسـاعـه
وبيـن الحقيقـه واختـلاف الموازيـن
دون الشـقـا مـاعـاد عـنـدي منـاعـه
ولــو كــل دربً ينتـهـي بالعنـاويـن
مـاطــاح نـجــمً عـالـيـاً بـأرتـفـاعـه

للمزيد من مواضيعي