منتديات آهات القلوب - عرض مشاركة واحدة

صندوق عرض الاوسمة · #1 04-05-2022, 01:49 AM

صباح الضيق يا جرحي .. صباحي ممتلي أحزان

صباح الضيق يا جرحي .. صباحي ممتلي أحزان
صباح الحزن لا هلّ السحاب وامطرت غيمة !

صباح يفزفز شعوري يغنّي .. ينكتب عنوان :
إذا قـالوا "مطر عذب" وتغنّت للـوفا ديمة !

صباح الجِرحْ .. وعيون الحبايب تسأل الحرمان
عن الضيق وتناهيد الفراق وحشرجة ضيمه !

يا صوت الريح يا حزن المطر يا رعشة الشريان
تجيْ كالطيف في بالي .. كأنّْ الصبح ترنيمة !

صباحْ يلملم الذكرى .. حكاويْ الودّ والتحنان
يفزّ الجـرح يا حـزني ويعلنها مـراسيمه !

فمان الله يا ريحة هلي .. يا الماضي اللي كان
فمان الآهـ .. مابعد المفارق .. مابقى قيمه !

ذبل لون الصباح وطحت من طولي وانا تعبان
وكن الصبح وجروحي بلا نخوه ولا شيـمة !

هنا والفجر ياخذني خفـوقٍ منكـسر ذبلان
ألا يا ليه مجروحه .. ؟ عظيم الحبّ توهيمه !

صبــاح أوجاع ذبّاحه بـهزّه زعـزعت أركان
تزعزع كل أوجاعي.. يصيح الصدق تعظيمه !

تراتـيل الأذان اللي يزعـزع أربعـة جـدران
ويعلن توبة العاشق عن المـاضي وتوهيمه !

أنا بسـألك يا ربي .. أيا معطي .. أيا منّان
تدواي جرحي الظامي وترزقني الصبر شيمه !

و سلامتكم

للمزيد من مواضيعي