لك ثلاث أيام فعيونك عتب
ريح أهدابك عسى عمرك طويل
يمكن أكتب فيك شي ما انكتب
يمكن أوصل بك حدود المستحيل
ليه مختار السكوت بلا سبب؟
لا كلام ولا ملام ولا دليل
لا متى حزنك يجامله الهدب؟
سولفه وإلا أتركه دمع يسيل
سولفه ما كل صمت من ذهب
كم عزيز راح من صمته ذليل؟
يا حبيبي خابر صدرك رحب
ما يضيق بدمعة الحزن العليل
كل هم منك له ضلع حدب
مثل ما للحمل في كتفي مشيل
كن فعل البرد في عمر الحطب
مثل فعل العشقِِ فالجسم النحيل
لا تعذر الصمت وتلوم الصخب
من يلوم الريح في عشق النخيل؟
لك ثلاث أيام فعيونك عتب
ليتك تسولف! قبل دمعك يسيل
للمزيد من مواضيعي