اجاذبك الهوى واطــرب واغني
وابادلك الغرام بكــــــــل فنّي
واشاهد صنعة الله فـــي جمالك
وحكمه الذي فيـــــك امتحنّي
واشوف الودّ فـي عيونك ولكن
يردّ الودّ خوفٍ فيــــــــك منّي
ولا ادري وش يخيفك يا حبيبــي
وانا بك مغرمٍ جــــــاك متعنّي
ولو أنك تلاحظ شفت عينــــــي
وهي تروي حديث الحب عنّي
تنعّم دام تــــــوك فـــــي شبابك
ليال العمر ماقــــــــط امهلنّي
تعال اسقيك من جدول غرامي
شراب فيه للعاشـــــــق تهنّي
واهيم بك بسموات المحبة
الين انّك بعــــــــــد مثلي تغنّي
للمزيد من مواضيعي