... لو تعلمني اعيش العمر دونك ...
 

... يقول شاعر الآنين .. نجم ضاوي ..


اختصرت الكون في نظرت عيونك
واختصر الناس في بسمة شفاك


ليش تتغلى على اللي يعشقونك
ليش تتمادى .. وتمعن في خطاك


لو تعلمني . . اعيش العمر دونك
وقتها أرحل . . ولا تنظر .. وراك


دامني مغرم . . عهودك يلزمونك
ما اتخيلني . . ولا لحظه . . بلاك


الله أقوى كيف تخلف في ظنونك
كيف تتناسى . . عهودك يا ملاك


عشت عمري انتظر تهطل مزونك
لا هطل مزنك . . ولا قلبي رواك


احتريتك بس .. عدتني هتونك
الرعد يمي . . وهتانك . . هناك


شوفني مليت من سبت جنونك
لا متى وانا . . اعاني في هواك


يكرهك عقلي وخفاقي يصونك
وأنا محتار . . بين هذا .. وذاك


دامني كوكب ومن افلاك كونك
كيف أقدر بس اغادر من سماك


حتى قلبي يوم حديته يخونك
راح خلاني . . وجا يفزع معاك



... وسلامتكم ...

بقلمي : أخوكم شاعر الآنين .. نجم ضاوي ..

قصيده معبره
لاجف فوك
ياخي امتعتنا بقصايدك
ماشاءالله عليك
ياليتك تسجل ابياتك ونسمعها بصوتك
بتكون واصله لنا بشكل حلو
اشكرك يا اخوي وصح السانك

الله أقوى كيف تخلف في ظنونك
كيف تتناسى . . عهودك يا ملاك


عشت عمري انتظر تهطل مزونك
لا هطل مزنك . . ولا قلبي رواك


احتريتك بس .. عدتني هتونك
الرعد يمي . . وهتانك . . هناك


؛

سلمت يمينك ملايين

الله أقوى كيف تخلف في ظنونك
كيف تتناسى . . عهودك يا ملاك



يا مبدع

صح السانك شاعر متمكن

5vcxdr45

صح لسانك ياشاعر الانين

وسلمت اناملك يالنجم

كلمات روعة سلمت يداكي

ماأجمل تلك المشاعر التى

خطها لنا قلمك الجميل هنا

لقد كتبت وأبدعت

كم كانت كلماتك رائعه فى معانيها

دائمآ فى صعود للقمه

شكراً لأناملك التى خطت
هذا الإبداع وهذا الجمال
بإنتظار إبداعاتك القادمة..
لك منى كل الود والإحترام

تكتب بعمق

سعدة بالمرور


ودي

ابداااااااااااااااااااااا ااع واكثر اكثر من ابدااااااااااااااااع....
إبداع تعلى فوق هامات السحب
سلمت أناملكم الذهبية والحانية والرقيقه
والجميله مثل جمالك اختي الغالية