منتديات آهات القلوب - البارحه كني عن الناس معزول

السلام عليكم
بسم الله

البارحه كني عن الناس معزول
ماغير ادوج في بحور القوافي

جيت الهجيني قال مانتا بمقبول
روح على المسحوب كله عوافي

مايدري إني شاربه عرض ٍ بطول
ولايدري اني ماعليا خلافي

فتحت كم بابٍ وهو قبل مقفول
ماقول مقفول ٍ واعود خلافي

قال الهجيني هرجتك حذره إطول
بنشدك عن خمسه وجب علم وافي

الاوله دنياك قلت اربع افصول
صيف وشتاء مابين بردٍ وسافي

ثم الربيع وفيه خيرٍ ومحصول
يتلاه فصل ٍ يلحقه بالجفافي

والثانيه لاشفت فالحي مجمول
مجمله ربي بحسن الوصافي

قلت ابتعد عنه ولو فيه مذهول
واحد نفسي عن دروب الهوافي

من خلقتي للجار محفول مكفول
اللي بحيي بالرداء مايشافي

والثالثه لا جوك نقالت القول
قول ٍ يشيب بالصغار العطافي

قلت الحكي مابين صعدات ونزول
الناس منها واهج النور طافي

ماني بتابع هرج ناقل ومنقول
اهل النمايم ماتجيني تخافي

عندي لهم سيف ٍ شطيرٍ ومسلول
يقطع لسان اللي سعى لتجافي

والرابعه صاحبك لاصار مشلول
قلت الخوي مرتاح فوق الكتافي

اعلم خويي دايم الدوم مزهول
قدره سوى مشلول والا امتعافي

والخامسه بالوصف قلي وشتقول
كانك تجيد الوصف ذا الامر كافي

اوصف حبيك قلت هالامر محلول
وصفه بسيط ولايبي له حرافي

فيه الحلا والزين كامل ومدبول
يدبل على المليار عشرة الافي

بعطيك وصف الوجه والجسم والزول
وصف ٍ وفين ٍ بالحلا مايعافي

وجه القمر معروف ماهو بمجهول
يسمعبه اللي صاب عينه كفافي

والحاجب اللي من نظر فيه مهبول
يشبه غماد السيف والرمش غافي

والعين سودا لنظر فيك مقتول
سهمٍ يصيب القلب ماله مشافي

والخشم مثل السيف يقصربه الطول
والخد تفاح ٍ جديد القطافي

راع الثنايا البيض والريق معسول
وصغيرات ٍ حيل حمر الشفافي

وعنقٍ طويلٍ بين الاكتاف محمول
عن البني معطيه زينٍ اضافي

وبياض زايد بالنحر غير معقول
ونهد ٍ صغير ٍ بارزٍ بانتصافي

ورشيق خصر ٍ والظهر فيه معدول
لاجاك يمشي في كبار الردافي

وانا ترى بالحب ماني بمسئول
خلي بعيني والرموش الالحافي

قال الهجيني آه ياحول ياحول
من وصف خلك صابني ارتجافي

لوجيت بحري هقوتي بحري يزول
هذي شهاداتي وهذا اعترافي