((في موقع الآهات والقلب هيمان))
 

يا مدور القارظ على كل ...... ميدان
تعال وشارك طرحنا ....... بالقوافي
في موقع الآهات والقلب ..... هيمان
في عشق من يسكن خيام . وفيافي
عشق الطبيعة والصحاري . وضلعان
عشق الهنوف اللي تلف ..... الغدافي
سواقة الموتر على الطعس .... فنان
من اللي تموج الشاص موج المرافي
ما غرزت به تحتري فلان .... وفلان
ولو غرزت به فالمصيبة ..... عوافي
قرمة وترفة ترفع الشاص ... باتقان
في عدة تقهر هبوب ....... السوافي
ما شاقني يا غير مياح ...... الاردان
يضرب دروب بالخلا ..... ما يخافي
عايش على در الحلايب ..... وسمان
والا الحباري ما تزور ....... المشافي
عطره لذيذ للمطر يوم ......... هتان
يوم البيوت مشرعة ......... للملافي
تفرح ان قالوا حيهم جوا ... ضيفان
يا سرعها في ذبحها ......... للهرافي
بنت الذي للطيب منقع ...... وعنوان
ما صد بوجهه في زمان .... الهوافي


القارظ العنزي

صح السانك

ابيات مامثلها من روعتها

كتبت وابدعت

اهنيك ياصاحب القلم المتميز

صح بدنك ابو محمد
نورت المتصفح في
مرورك وحضورك
العطر المتميز

صح السانك



ابيات جميلة
ابدعت بقلمك

صح لسانك شاعرنا

مبدع كعادتك يالقارظ
سلمت اناملك

صح بدنك المنى

صح بدنك عزة رجل
طاب لي مرورك العطر

طلبت الميدان . ابشر يا حميدان
إن جاك الحافي . . قول يا كافي


جاك المرعب والموت ابو سلمان
والله يا القارظ ما افوتها عوافي


جيت ومعي جني اسمه ترجمان
هو الذي يوحي .. شعري وقافي


هههههههه ماتوقعت القاك هنا يا صديقي ...
صح لسانك وسلم نبض قلمك وروعة بيانك ...
دائمآ رائع وذوقك فريد ...
راق لي ما نثرت هنا لله درك ...

... لا خلا ولا عدم ...

صـح الـسـانـك

مـتـمـيـز دائـم بـقـلـمـك

شيطان ما مثلك بالشياطين شيطان
لو انت غالي على القلب ........ وافي
لك فقدة بالقلب يا وليد ...... جيزان
يالعامري يالوافي ذرب ...... سنافي
يا مرحبا بك بيننا والغلا ....... الوان
تعال هات القاف زين ....... القوافي

هلا وغلا بالغالي ابو سلمان نجمنا الضاوي