إن قلت لك خايف! ترى ماني ضعيف

[تآج الكبريآء]

طال السكوت.. وضاق صدر السواليف
والبال.. من كثر الهواجيس عايف.!

والليل طـال.. وطارق الصبح ماشيف.!!
وأنا..وصمت الحزن..صرنا ولايف.

أسج..مع هجس الطواريق..وأعيف
هجسي..وطاروق الضلوع النحايف.!

تجوع.. سلمى.! وأترك..الكم.. والكيف!
وأقسم..رغيفي بيننا بالنصـايف.؟

أقرأ..وتكتبني..قضيه, وتعريف
وتظمآ. وتشربني ..نحيب, وذرايف!!

صمت الشعور.. |إحساس.. ماله تواصيف
أكبر من حروف الحكي, والوصايف..؟؟

ياسيف كيف أشرح لك الوضع ياسيف؟؟
أقلامنا جفت ورفعت صحايف.!!

كيف أبتدي يامسندي..وأنتهي كيف؟؟
من دون كيف؟ أنا مثل ماأنت شايف.،!

شفني بقايا إنسان والوقت كالسيف.!
وحظي كفيف..! وفرحتي.؟ حلم زايف!

همي بحر..وضلوع صدري..مجاديف
والعمر مركب..بين الأمواج طايف.!

وقلبي وطن..وعروق قلبي تجاويف
للحزن.. وهمومي.! شعووب وطوائف..!

صوعات بقعا ..والقدر ..والصواديف
ورتني أهوال السنين العجايف. ‏

أتبع.."خريف العمر" في رحلة الصيف..!
وأزحف ..على حد السيوف الرهايف..

الليل ..مفتاح السهر والتكاليف.
والصبح ..مفتاح القهر والحسايف.

والصبر.. مفتاح الضلوع المناحيف.!
والحزن ..مفتاح الجروح الرعايف!!

والمصلحه ..مفتاح باب المواقيف .
والواسطه ..مفتاح باب الوظايف ..!!

والفقر..يفتح للوجيه المصاليف.
باب الصلافه و الضعايف ضعايف

إن قلت لك خايف! ترى ماني ضعيف
ولاني شجاع !!إن قلت ماني بخايف؟

ياسيف وش عذر المعازيب للضيف؟
لامنها ضاقت صدور المضايف.!

قل للسوافي . . لوتهب العواصيف .؟
عنها رقينا . . عاليات النوايف..

تسفي وحنا فوق روس المشاريف
في رآس نايف.. والخلايف ..خلايف

وقل للضعوف اللي تحسب المصاريف
حنا ترانا ماحسبنا . . الكلايف.

لوشحت ..يدين الزمان.. المناكيف
نبقى على ..عهد الوفا.. مانزايف

وإن طال.. بال الليل.. قل لـلسواليف
بوح السهر من ضيقه الصدر عايف..


الشاعر / عادل الذيابي

[بآفآريآ]

ماقصرتي تاج
واصلي https://www.al8loob.com/vb/images/smilies/5%20(1).gif

[تبآهي!]

يديكي العافيية تاج

واصلي

[صمت~]

يعطيكي العافية

[نـآي]

تسلمين

[احساس غريب]

ماشاء الله تبارك الرحمن ابيات جزله و احساس عميق و وصف متقن

يعطيك العافية تاج على الابيات و القصيدة الجميلة بقوة

[تآج الكبريآء]

منوريني