المساعد الشخصي الرقمي

مشاهدة النسخة كاملة : من وكلك يابنت بالذود عن الناس


السكب 12
10-08-2021, 09:09 AM
من وكلك يابنت بالذود عن الناس
أن كان عندك صك شرعي فردي

مطلوب عرضه للمشاهد بكراس
واعرف موكلك الخفي واستعدي

وإلا الحميا البا ئيسه تحرق انفاس
رقي وهدي واهتدي وارفقي لاتعدي

ماقد سبق نقدك من الراس لاراس
وان كان هاض الشعر بالصدر شدي

وش حدك اليومه تغاغين بلا ساس
سلكت طريق رسمي ولا بك تحدي

قصايدي تكتب وتبنا على ساس
وعندي سيوفي والميادين عيدي

شعري مهذب كاملاً كله احساس
وافخر بشعري مثل فخري بجدي

من زودك بالورد بالشوك محتاس
وانا عرفت السد واخفيت سدي

اناسعودي معرب الجد والساس
ماني بصهيوني وماني يهودي

جاك الجواب بالرد من راس جساس
درب النشب شا يك وعنه استردي

السكب 12

لتكون الصوره واضحه كنت في موقع فيه من خيرت الشعار وتغيبو فكان في واحد مسوي نفسه شاعر وجهة له قصيده المرفقه أدناه ابي نتسلا وشافها ولكن مادري انني موجها له فكان فيه بنت جديده مااعرف عنها شي اثرها شاعره وعرفت قصدي ونطت بحلقي وردة عليه النص لمن يعرف الشعر واضح الحوار كانت ترسل لي خاص تقول ارفق تراني توني في بداية تعلمي الشعر
والحقيقه اذا استمرت بيكون لها شان في الشعر شفت فيها افضل من كثير متعبين أنفسهم ولا حققوا ربع ماحققته رغم أنها في البدايه ورديت بقصيده ثانيه ((بعنوان يانورا جاك الرد من صاف نيه)) سوف ترونها هنا


بعض القصيديحتاج ميك اب وتجميل
حتى يروق للزين في مقلة العين

في ناظري بات الشعر يشتكي الميل
من بعد جاء الحاضر على شلة البين

ان غاب عني شاعر البن والهيل
اصيح في عال الجبال وينكم وين

ياهل الجزاله شعركم بأول الليل
يطربني القاف المزركش على فين

ماني بحالي كافي الشهد والحيل
رحتوا ولاجيتوا على حالي الشين

يشوقني شوق الشقاء واطمر السيل
كأني على طرد اشقر الصقر والزين

لاهزني شاعر وحجمه كما الفيل
اسوق له من صافي الصنف صنفين

سقت العبر والمعرفه واربط الخيل
واقصر عقاله وابخس الوزن طنين

السكب 12

مآوكلي
10-08-2021, 12:38 PM
ابدااااااااع

صح السانك استمتعت بالابيات ومعانيها
والقصه اللي خلفها القصيده
ابدعت وربي

خــفــوق~
10-08-2021, 04:24 PM
كلمات قويه

ابدعت وصح السانك

أبو محمد
10-08-2021, 04:35 PM
رووووعه يالسكب



صح السانك و ماقصرت فيهم عز الله

عزة رجل
10-08-2021, 08:27 PM
صح لسانك ودام نبضك

ابدعت
وسلمت يداك يالسكب

رقة انثى
10-09-2021, 09:51 PM
صح لسانك وسلم قلمك
شكرك جزيل الشكر
كل الموووووده والتقدير

فنتآستكـ
10-09-2021, 10:13 PM
راائع

يعطيك الف عافيه
دمت ودام قلمك

مشآعر
10-09-2021, 10:29 PM
دام نبض القلب والقلم
ولك مني باقات ود وورد

على روعة الكلمات

العهود
10-09-2021, 10:55 PM
ابداع السكب

مشكور وننتظر المزيد منك

لحن الوفا
10-09-2021, 11:07 PM
كلماااااات راااااائعه
تسلم على هذا
الابداع والتميز
بالتوووفيق

احساس خجولة
10-10-2021, 11:34 PM
بورك قلمك ولا عدمنا روائعك
تحيتي وتقديري ووردي

سيدة الورد
10-10-2021, 11:49 PM
احساس جمييل مادونه قلمك عبر سطوورك
فسلمت بعدد حروفك وابجديات القلم
تقبل
احتراامي

جوري
10-11-2021, 11:52 PM
كلمات عذبة واحاسيس شفافة
سلم النبض والقلم